Fimmvörðuháls - dagsferð

Í þessari ferð er Fimmvörðuhálsinn gengin á einum degi. Lagt er af stað á laugardagsmorgni með rútu frá Mjódd (sunnan við bíóið og vestan við Breiðholtskirkju kl. 07:00 og keyrt að Skógum þar sem gangan hefst. Gengið er yfir hálsinn og niður í Bása þar sem rútan bíður og tekur ferðalanga beint aftur í bæinn.

Nánari lýsing.

Leiðin yfir hálsinn

Skógar – Fimmvörðuskáli16 km · um 5 klst.

Leiðin liggur frá Skógum og upp meðfram Skógaheiði. Efst á hálsinum er skáli Útivistar, Fimmvörðuskáli. Gengið er frá sjávarmáli og upp í 1.100 m hæð. Frá skálanum er víðsýnt í austur til Mýrdals og niður eftir hálsinum.

Fimmvörðuskáli – Básar13 km · um 4,5 klst.

Frá skálanum er gengið um jökulfannir og ása, gegnum gosstöðvarnar og niður Bröttufönn. Þaðan er haldið um Heljarkamb, farið eftir Kattahryggjum og niður í Strákagil og í Bása þar sem göngunni lýkur. Af norðanverðum hálsinum er í góðu skyggni ógleymanlegt útsýni yfir Emstrur, Torfajökulssvæðið og Landmannaafrétt.

Leiðarlýsing: Fimmvörðuháls

Gott að vita

ÚtbúnaðurListi sem hafa má til viðmiðunar um hvað er gott að hafa með sér í dagsferðir og hvernig gott er að búa sig fyrir ferðina. Opna gátlista: Dagsferð

Börn og makarBörn á aldrinum 7–17 ára greiða hálft gjald og yngri en 7 ára greiða ekki neitt. Maki félagsmanns og börn yngri en 18 ára njóta sömu kjara og félagsmaðurinn.

GreiðslaStaðfestingargjald, 8.000 kr., er greitt þegar ferð er pöntuð og ferðin að fullu eigi síðar en 4 vikum fyrir brottför.

Veður og aðstæðurÚtivist áskilur sér rétt til að hætta við, fresta ferð eða breyta áætlun vegna veðurs eða annarra utanaðkomandi aðstæðna, svo og ef ekki er næg þátttaka í ferð.

Verð og skilmálar