Tindfjallasel
30 gistipláss · Almennt opinn 1. júlí til 31. ágúst · GPS N63°45,398 / V19°41,976
Tindfjallasel er neðsti skálinn af þremur í Tindfjöllum. Hann er í 680 m hæð, afar vel búinn og tilvalið að dveljast þar og njóta útivistarsvæðisins í Tindfjöllum, hvort sem er að sumri eða vetri.
Gagnlegar upplýsingar
- Gistipláss
- 30
- Hæð
- 680 m
- Salerni
- Vatnssalerni yfir hásumarið
- Rennandi vatn
- Yfir hásumarið
- Eldunaraðstaða
- Gashellur, eldunaráhöld og borðbúnaður
- Verð fyrir nóttina
- 9.800 kr. almennt verð, 5.200 kr. fyrir félagsmenn
- Hægt er að panta gistingu á vetrartíma í gegnum skrifstofu.
Áhugaverðir staðir í nágrenninu
- Ýmir og Ýma
- Sindri
- Fjallaskíðasvæði að vetri og gönguleiðir að sumri
Um skálann
Útivist tók skálann í notkun í samvinnu við Flugbjörgunarsveitina í Reykjavík og kemur hann í stað eldri skála sveitarinnar. Þetta er 30 manna skáli sem hentar vel fyrir bækistöðvarferðir, hvort heldur er á gönguskíðum að vetri eða fyrir gönguferðir að sumarlagi.
Tindfjöll
Fjallamenn með Guðmund frá Miðdal í fararbroddi sóttu mikið á þetta svæði um miðja síðustu öld og byggðu fyrsta skálann í Tindfjöllum árið 1941. Þekktustu tindarnir eru Ýmir og Ýma, en af öðrum má nefna Saxa, Búra, Haka, Hornklofa, Sindra og Ásgrindur að ógleymdum Tindi sem svæðið dregur nafn sitt af.
Staðsetning
GPS-hnit: N63°45,398 / V19°41,976. Kort: OpenStreetMap.
Skrifstofa Útivistar: 562 1000 · utivist@utivist.is