Skælingar
16 gistipláss · Almennt opinn 1. júlí til 31. ágúst · GPS N63°58,849 / V18°31,319
Umhverfis skálann í Skælingum eru sérstæðir hraundrangar sem breyta svæðinu í náttúrulegan lystigarð. Skálinn einkennist af fornri íslenskri byggingarhefð með vegghleðslum úr grjóti.
Gagnlegar upplýsingar
- Gistipláss
- 16
- Tjaldstæði
- Mjög gott
- Salerni
- Yfir hásumar, ekki klósettpappír
- Neysluvatn
- Sótt í lækinn
- Eldunaraðstaða
- Gashellur og eldunaráhöld
- Upphitun
- Gasofn
- Verð fyrir nóttina
- 9.800 kr. almennt verð, 5.200 kr. fyrir félagsmenn
- Hægt er að panta gistingu á vetrartíma í gegnum skrifstofu.
Áhugaverðir staðir í nágrenninu
- Gjátindur
- Eldgjá
- Uxatindar
- Grettir
Um skálann
Í einstöku umhverfi í Skælingum stendur lítill skáli sem var fyrrum gangnamannaskáli Skaftártungubænda. Félagsmenn Útivistar endurbyggðu hann á árunum 1996–1997. Húsið er ekki einangrað og hentar því ekki til vetrarferða.
Aðkoma
Af Fjallabaksleið nyrðri (F208) er ekið yfir Nyrðri-Ófæru á vaði rétt austan við Eldgjá og upp á eystri brún Eldgjár eftir veginum að Gjátindi. Fljótlega eru gatnamót (N63°56,974 / V18°37,635) þar sem ekið er niður brekku í átt að Skaftá og þeim slóða fylgt að skálanum. Önnur og torfærari leið liggur frá slóðanum að Langasjó (F235) um Blautulón; hana ætti ekki að fara á óbreyttum jeppum.
Skálavarsla
Skálavörður er ekki í skálanum en skálaverðir í Strútsskála og Hólaskjóli hafa eftirlit með honum. Gistingu og tjaldstæði er hægt að greiða á skrifstofu Útivistar eða í þar til gerðan bauk í skálanum.
Myndir
Staðsetning
GPS-hnit: N63°58,849 / V18°31,319. Kort: OpenStreetMap.
Gönguleiðir sem liggja um skálann
Skrifstofa Útivistar: 562 1000 · utivist@utivist.is