Reykjavegurinn

Reykjavegurinn er um 125 km löng stikuð gönguleið frá Reykjanesvita að Nesjavöllum. Hann var stikaður árið 1996 og er gjarnan sagður lengsta merkta gönguleið landsins. Útivist gengur hann í sjö leggjum fyrri hluta árs 2027.

Leggirnir sjö

1. 1
   Reykjanesviti – Golfskálinn í Grindavík18 km · 200 m hækkun

   Í upphafi er fylgt hluta af Hundrað gíga leiðinni, um einkennandi eldfjallalandslag yst á Reykjanesi. Reykjaveginum er fylgt að Prestastíg, gamalli þjóðleið milli Hafna og Staðarhverfis í Grindavík.

2. 2
   Golfskálinn í Grindavík – Leirdalur16 km · 350 m hækkun

   Ný hraun hafa farið yfir stóran hluta upphaflegu leiðarinnar og því liggur leggurinn nú um Grindavík, meðfram Suðurstrandarvegi að Festarfjalli, niður í Nátthaga og að bílastæðinu í Leirdal.

3. 3
   Leirdalur – Sogin14 km · 250 m hækkun

   Gömlu Krýsuvíkurgötunni fylgt yfir Grákvíguhraun og síðan Reykjaveginum til norðurs, um hraun og meðfram Núpshlíðarhálsi, um Selsvelli að bílastæðinu við Sogalæk.

4. 4
   Sogin – Kaldársel22 km · 500 m hækkun

   Yfir háls við Selsvallafjall og niður að Djúpavatni, norður Móhálsadal og inn á Hrauntungustíg, gamla þjóðleið milli Krýsuvíkur og Hafnarfjarðar. Að lokum er Undirhlíðavegi fylgt norður í Kaldársel.

5. 5
   Kaldársel – Bláfjallaskáli16–17 km · 500–550 m hækkun

   Selvogsgötu fylgt um Húsfellsbruna upp að Grindaskörðum. Við Draugahlíðar er beygt til austurs og gengið um hraunið við Strompa að Bláfjallaskála.

6. 6
   Bláfjallaskáli – Hellisheiðarvirkjun20–22 km · 700 m hækkun

   Upp á Bláfjallahorn, hæsta hluta Reykjavegarins, niður austan Bláfjalla, um Leitahraun að Eldborgunum, yfir Þrengslaveg og um Svínahraunsbruna fram hjá Kolviðarhóli.

7. 7
   Hellisheiðarvirkjun – Nesjavellir15 km · 500 m hækkun

   Yfir Húsmúla og inn í Engidal, undir Henglinum inn í Marardal, upp á Kýrdalshrygg og Háhrygg og niður að Nesjavallavirkjun, þar sem Reykjaveginum lýkur.